Sunday, April 29, 2007

ತಾಳದಿರು ಗುರುತನವ-ಮಂಕುತಿಮ್ಮ

ಬೀಳಿಸದಿರೆಲೊ ನಿನ್ನ ನೆರಳನಿತರರ ಮೇಲೆ|
ಬಾಳಿಕೊಳುಗುವರು ತಂತಮ್ಮ ಬೆಳಕಿನಲಿ||
ಮೇಲುಬೀಳುಗಳಾರ್‍ಗದೆಂತೊ ನೀನೆನರಿವೆ?|
ತಾಳದಿರು ಗುರುತನವ-ಮಂಕುತಿಮ್ಮ||

ಕನ್ನಡದ ಗೀತೆಯಾದ ಡಿ.ವಿ.ಜಿ ಅವರ "ಮಂಕುತಿಮ್ಮನ ಕಗ್ಗ" ದ "ಗುರುಪದವಿ ಬೇಡ" ಅಧ್ಯಾಯದ ನನ್ನ ನೆಚ್ಚಿನ ಮುತ್ತುಗಳು.ಗುರುಪದವಿ ಬೇಡ ಅನ್ನುವ ಅಧ್ಯಾಯ- ಅದರಲ್ಲಿ ಐದು ಸೊಗಸಾದ ಕವನಗಳು ...ಈ ವಿಷಯದ ಮಹತ್ವದ ಅರಿವು ಮೂಡಿಸುತ್ತವೆ.ಜಗತ್ತಿನ ದೊಡ್ಡ ಅಣ್ಣ ಎಂದು ಕರೆಸಿಕೊಳ್ಳುವವರಿಗೂ ಈ ಪದ್ಯದ ಸಾರಾಂಶ ತಿಳಿದಿದ್ದರೆ ಒಳಿತಿತ್ತೇನೊ..!!

ಆಂಗ್ಲ ಭಾಷೆಯಲ್ಲಿ ಇದನ್ನ " ಸೆಲ್ಫ಼್ ಎಕ್ಸಪ್ಲನೇಟರಿ " ಅಂತಾರೆ.
ನಿನ್ನ ನೆರಳನ್ನ ಇತರರ ಮೇಲೆ ಬೀಳಿಸಬೇಡ - ಹೇರಬೇಡಿ.... ಅಭಿಪ್ರಾಯ,ಸಂಪ್ರದಾಯ,ಆಚರಣೆ ..ಹೇರಬೇಡಿ.
ಓಹ್ ಅಂದ ಹಾಗೆ ನಾನು ಹೇರುವ ಪ್ರಯತ್ನ ಏನಾದ್ರು ಮಾಡ್ತ ಇದೀನಾ ಅಂತ ಸಂದೇಹ ಬಂತು..ನನಗನಿಸಿದ ಮಟ್ಟಿಗೆ ಈ ಪದ್ಯ ನನಗೆ ತುಂಬಾ ಇಷ್ಟ ಆಯ್ತು ..ಹಂಚಿಕೊಳ್ತ ಇದ್ದಿನಿ..ಹಂಚಿಕೊಳ್ತ ಇದೀನಿ ಸರಿ ಆದರೆ ಈ ರೀತಿ ಪದ್ಯದ ಸಾರಾಂಶ ಹೇಳ್ತ ಎಲ್ಲೋ ನಾನು ನನ್ನ ಅಭಿಪ್ರಾಯ ಹೇರೋಕೆ ಹೊರಟ್ನ ಅಂತ ಭಯ.ಬೇಡ ...ನೀವು ಓದಿಕೊಳ್ಳಿ, ಅರ್ಥೈಸಿಕೊಳ್ಳಿ....

No comments: