ಹೀಗೆ ಒಂದು ಕವನ

ಸರಿ ನೋಡೋಣ ಬನ್ನಿ..
ಹಕ್ಕಿಗಳ ಹಾರಾಟ
ತರಕಾರಿ ಮಾರಾಟ
ಹಾಗೇ ನಡೆದಲ್ಲಿ ..
ಅವರೂ ಸಿಗಬಹುದು
ನೋಡಿ ನಗಬಹುದು
ನಿಲ್ಲಿಸಿ ನುಡಿಯಬಹುದು
"ಹೇಗಿದ್ದೀರಿ , ಎಲ್ಲ ಕ್ಷೇಮವೇ ?"
ನಿಮ್ಮ ಮಾತು ದೂರಾಗುವ ಮುನ್ನ
ಅವರು ಪಕ್ಕದವರೊಡನೆ ಏನೋ
ಹೇಳಿದ್ದು , ಕಿಸಿದು ನಕ್ಕಿದ್ದೂ
ಕಿವಿಗೆ ಬಿದ್ದರೂ..
ಬೀಳದಂತೆ ನಡೆಯೋಣ ..
ಅಲ್ಲೇ ಹಾಗೆ ಬೈಟು ಕಾಪಿ
ಹೀರುವಾಗ, ಎಂದಿನಂತೆ
ಅಂಗಡಿ ರಾಜು ಕೇಳಿಯಾನು
ಕೇಳಿದ್ರ ಸಾರ್ ಎಡ್ಡಿ ಸಮಾಚಾರ ?
ಸಣ್ಣದೊಂದು ನಗೆ ಜೊತೆಗೆ
"ಏ ಅದು ಬಿಡಿ.. ಇದ್ದದ್ದೇ "
ಅಂದುಬಿಡಿ..
ನಿಮ್ಮ ಪೇಪರ್ ಕೊಳ್ಳಿ,
ಬೇರೆಯದನ್ನು ಅಲ್ಲೇ ಓದಿ.

ಮತ್ತೊಂದು ದಿನಕ್ಕೆ ಸಜ್ಜಾಗಿ
ದಿನವಿಡೀ ಆಫೀಸು ಟ್ರಾಫಿಕ್ಕಿನಲ್ಲಿ
ನುಜ್ಜು ಗುಜ್ಜಾಗಿ ,
ಸಂಜೆ ಇಲ್ಲೇ ಕುಳಿತು ಹರಟೋಣ
ಅಂಗಡಿ ಬಾಗಿಲ ಹಾಕುವ ತನಕ..
ಮತ್ತೊಂದು ದಿನಕ್ಕೆ ತೆರೆ ಎಳೆಯುತ....

ಜಯಂತಬಾಬು